საპარლამენტო უმცირესობა მიიჩნევს, რომ ე.წ. მოსმენებთან დაკავშირებით პრეზიდენტის მიერ შემოთავაზებული პროექტი დიდად არ განსხვავდება ბესელია-ფოფხაძე-სესიაშვილის კანონპროექტისგან, რომელიც დეპუტატებმა უკვე დაამტკიცეს. როგორც ნადირაშვილმა სესიაზე განაცხადა პრეზიდენტის ვეტოს შემდეგ კიდევ უფრი მეტი შეკითხვა და გაურკვევლობა დარჩა.
,, როგორც ჩანს მარგველაშვილს ეხერხება იმედების გაცრუება ჯერ ბიძინა ივანიშვილი ჩიოდა ამაზე. მე ვერ გეტყვით, რომ ოდესმე მარგველაშვილის იმედზე ვიყავი, მაგრამ ძალიან ბევრი ადამიანი თქვენ ელოდებოდა, რომ შეეცდებოდით მაინც ამ საკითხის მოგვარებას. სინამდვილეში, დღეს მივიღეთ სიტუაცია, როდესაც თქვენ შემოიტანეთ, პრაქტიკულად, ისეთი შენიშვნები, რომელიც ჩემთვის არ განსხვავდება არანაირად ბესელია-ფოფხაძე-სესიაშვილი მიერ მომზადებული კანონპროექტისგან.მთავარი საკითხი - ე.წ. შავი ყუთი, სერვერი, რჩება შსს-ში თუ გადის სადმე, ამაზე არ არის გამიჯნული პასუხები და არ არის პრეზიდენტის პოზიცია გამოკვეთილი. როგორ ვერ მოახერხეთ, რომ ძალიან მკვეთრად ჩამოგეყალიბებინათ პოზიციები, როგორ მოახერხეთ ამის გაკეთება, რომ თქვენივე ვეტოს მერე კიდევ უფრო მეტი შეკითხვა და გაურკვევლობა დარჩა", - მიმარტა სესიაზე ირმა ნადირაშვილმა პრეზიდენტის საპარალემნტო მდივან გიორგი კვერენჩხილაძეს.
შეგახსენებთ, რომ პარლამენტმა პარასკევის პლენარულ სხდომაზე ბესელია-ფოფხაძე-სესიაშვილის კანონპროექტი 73 ხმით მიიღო. წინააღმდეგ კი ხმა 30 -მა დეპუტატმა მისცა. კანონპროექტის მესამე მოსმენით განხილვაში მონაწილეობა არ მიიღეს ფრაქცია "თავისუფალმა დემოკრატებმა" და "რესპუბლიკელებმა" თინათინ ხიდაშლმა. მათ პლენარული სხდომა, კანონპროექტის მეორე მოსმენით გახილვისას, პროტესტის ნიშნად დატოვეს. არსბული კანონპრპოექტის მიხედვით, შემოდის ე. წ. ოგასაღებიანი სისტემა, სადაც ე. წ. ერთი გასაღები შსს-ში რჩება, მეორე კი პერსონალური მონაცემთა დაცვის ინსპექტორს გადაეცემა.თუმცა გუშინ პრეზიდენტმა ფარულ მოსმენებთან დაკავშირებით კანონს ვეტო დაადო და დეპუტატებს ალტერნატიული კონცეფცია წარუდგინა რომლის თანახმად, ფარული მოსმენების განმახორციელებელ ორგანოდ კვლავ შსს რჩება, თუმცა პროცესში სასამართლოს როლი ძლიერდება. პერსონალურ მონაცემთა დაცვის ინსპექტორს კი, რჩება პროცესზე ზედამხედველობის უფლება.
