კონსტიტუციური სამართლის სპეციალისტი ვახუშტი მენაბდე აცხადებს, რომ ის დეპუტატები რომელიც შეცდებიან დაძლიონ პრეზიდენტი ვეტო მხარს დაუჭერენ იმ სისტემას, რომლის თანახმად, შსს კვლავ რჩება განუსაზღვრელი ძალაუფლება ადამიანის პირად ცხოვრებაში ჩარევის. როგორც საკითხის კომენტირებისას მენაბდემ ჟურნალისტებთან განმარტა ეს იქნება უკან გადადგმული ნაბიჯი.
,,უმრავლესობა ვეტოს დაძლევას აპირებს, რაც რთული იქნება ამ ვითარებაში. მათ არ აქვთ ძალიან დიდი მხარდაჭერა, რომ ბევრად აღემატებოდეს 76 ხმას. შესაბამისად, თითოეული დეპუტატის ხმა ძალიან მნიშვნელოვანი იქნება. ჩვენ თუ შევინარჩუნებთ სისტემას, სადაც შს სამინისტროს ექნება გასაღები, ნიშნავს, რომ დეპუტატები, რომლებიც მხარს დაუჭერენ ამ ვერსიას, ხელს მოაწერენ სისტემას, სადაც შს სამინისტროს კვლავ რჩება განუსაზღვრელი ძალაუფლება, ადამიანის პირად ცხოვრებაში ჩარევის", - განაცხადა ვახუშტი მენაბდემ.
შგახსენებთ, რომ დღეს, 30 ნოემბერს, 11:30 საათზე საქართველოს პარლამენტის სხდომა დაიწყება, რომელიც პრეზიდენტის შენიშვნებზე იმსჯელებს, შემდეგ კი კენჭისყრა
პარლამენტის თავმჯდომარის დავით უსუფაშვილის განმარტებით, პარლამენტი თავდაპირველად პრეზიდენტის შენიშვნებზე იმსჯელებს, შემდეგ კი კენჭისყრა ჩატარდება და დეპუტატები ან ვეტოს დაძლევენ, ან პრეზიდენტის შენიშვნებს გაითვალისწინებენ.
"თუკი პარლამენტი კანონპროექტს დაამტკიცებს, ის ხელის მოსაწერად ქვეყნის პრეზიდენტს გადაეგზავნება და თუკი მარგველაშვილი მას ხელს არ აწერს, ხელს აწერს და აქვეყნებს პარლამენტის თავმჯდომარე", - განაცხადა უსუფაშვილმა.
