საპარალმენტო უმრავლესობისა და ჩემი განწყობა არის, რომ პრეზიდენტის ვეტო უნდა დავძლიოთ, - ამის შესახებ, საპარალმენტო უმრავლესობის წევრმა დავით ლორთქიფანიძემ "ჯი-ეიჩ-ენ"-ს პრეზიდენტის მიერ ფარული მოსმენების შესახებ კანონზე ვეტოს შეფასებისას განუცხადა.
დავით ლორთქიფანიძე მიიჩნევს, რომ პრეზიდენტის ვეტო დროის ფაქტორის გამო, გარკვეულ საკანონმდებლო უხერხულობას ქმნის, რაზეც პასუხისმგებლობა პრეზიდნტს ეკისრება.
მისივე შეფასებით, უმრავლსობის მიერ მიღებული კანონით, სახელმწიფო უსაფრთხოებასა და ადამიანის უფლებებს შორის, ბალანსი დარღვეული არ არის.
"პრეზიდენტს ვეტოს უფლება ჰქონდა, თუმცა, ვეტო დროის ფაქტორის გამო, გარკვეულ საკანონმდებლო უხერხულობას ქმნის. თუ ვადებში ვერ მოესწრება კანონის მიღება, გამოდის, რომ პრეზიდენტი ამ საკანონმდებლო უხერხულობაზე პასუხუისმგებლობას იღებს.
პრეზიდენტმა პირველი ვეტოთი, თავად განგვისაზღვრა სამოქმედო ვადა 1-ელ დეკემბრამდე. ეს ნიშნავდა იმას, რომ თავადაც ხედავდა მაშინ, რომ ამ საკითხის დიდი დროით, გადავადება სახელმწიფო ინტერესებისთვის არ იყო სასარგებლო. ამ დროში პარლამენტმა კოლოსალური შრომა გასწია და მიიღო კანონი.
ვფიქრობ, უპრიანი იყო, რომ პრეზედენტ, როდესაც მიიღო ეს გადაწყვეტილება გუშინვე ეცნობებინა ჩვენთვის.
საკანონმდებლო ორგანო იმსჯელებს პრეზიდენტის შენიშვნებზე, თუმცა, პარლამენტს თავის განრიგი აქვს. ხვალიდან, დაგეგმილია საპარლამენტო დელეგაციების ძალიან მნიშვნელოვანი მივლინებები საერთაშორისო ორგანიზაციებში. ეს მივლინებები განხილვების გამო, ფაქტიურად, ჩაიშლება, რაც ხელს შეუშლის ჩვენი ქვეყნის ევროპულ ინტეგრაციას", - განაცხადა ლორთქიფანიძემ.