არასამთავრობო ორგანიზაცია "სამართლიანი არჩევნების" ხელმძღვანელი ნინო ლომჯარია მიიჩნევს, რომ პრეზიდენტმა სწორი გადაწყვეტილება მიიღო, როდესაც ფარულ მოსმენების შესახებ, პარლამენტის მიერ მიღებულ კანონს ვეტო დაადო.
როგორც "ჯი-ეიჩ-ენ"- თან საუბრისას ლომჯარიამ განაცხადა, პრეზიდენტის შეთავზებაში სახელმწიფო ინტერესები და მოქალაქის უფლებები, მეტადაა დაბალანსებული, ვიდრე პარლაენტის მიერ დამტკიცებულ კანონში.
"მივესალმებით პრეზიდენტის გადაწყვეტილება, რომ ამ კანონს დაადო ვეტო. ჩვენთვის ჯერ შეთავაზების ტექსტი უცნობია, თუმცა ის ვერსია, რაზეც პრეზიდენტი საუბრობს, მიმაჩნია, რომ უფრო მეტად მისაღებია. ამ შემთხვევაში, პერსონალურ მონაცემთა დაცვის ინსპექტორის ფუნქციები გაცილებით სწორად არის წარმოდგენილი, რადგან მას აქვს მხოლოდ მაკონტროლებელი, საზედამხედველო ფუნქცია", - აცხადებს ლომჯარია.
პრეზიდენტმა ფარულ მოსმენებთან დაკავშირებით კანონს ვეტო დაადო და კანონპროექტი მოტივირებულ შენიშვნებთან ერთან უკან გადაუგავნა.
"ჩვენ ვერ მივიღეთ სწორი ბალანსი დაცულობასა და ადამიანის უფლებებს შორის. ამიტომ კანონს ვადებ ვეტოს და პარლამენტს ვთავაზობთ საკუთარ ვარიანტს, რომელშიც ფუნქციური გადანაწილენა იქნება დაცული, ეს ნიშნავს რომ მიყურადებას განახორციელებენ უფლებამოსილი ორგანოები და ნებართვას, რომ კონკრეტული მიყურადება განხორციელდეს, გასცემს სასამართლო, ხოლო ზედამხედველობას განახორციელებს პერსონალურ მონაცემთა დაცვის ინსპექტორი. ეს არის მოდელი , რომელიშიც ფუნქციები სწორად არის გადანაწილებული და რომელიც, უზრუნველყობს, რომ ბალანსი სახელმწიფო ინტერესებსა და ადამიანიებებს შორის იყოს დაცული. იმედი მაქვს, რომ პარლამენტი გაიზიარებს ჩემს პოზიციას",- განაცხადა პრეზიდენტმა.
