ძალიან დიდი იმედი მავს, რომ პრეზიდენტისა და დეპუტატთა ნაწილის პოზიცია პოლიტიკური კონიუნქტურით არ არის განპირომებული, - ასე ეხმიანება "ჯი-ეიჩ-ენთან" საუბრისას, ფარულ მოსმენებთან დაკავშირებით უმრავლესობის მიერ მომზადებული კანოპროექტზე პრეზიდენტის ვეტოს, კანონპროექტის ერთ-ერთი ავტორი, უმრავლესობის წევრი, გედევან ფოფხაძე.
მისივე თქმით, მისთვის ჯერჯერობით უცნობია პრეზიდენტის შენისშვნის ტექსტი, თუმცა, თუ იგი კანონში პრინციპულ ცვლილებებს ითვალისწინებს, პრეზიდენტის პოზიციას მხარს არ დაუჭერს.
"მიმაჩნია, რომ ის კონცეფცია, რაც ჩვენი მხრიდან არის შეთავზებული არის სწორი. აქედან გამომდინარე, ვერ ვხვდები რა შეინიშვნები შეიძლება იყოს, რასაც გავიზიარებ. თუ საუბარია პრინციპულ ცვლილებებზე, რაც სისტემურ ნაწილს ეხება, მე პირადად არ დავეთანხმები. თუმცა ეს დებატეის საგანია. ძალიან მყარი პოზიცია მაქვს, იმასთან დაკავშირებით, რაც ჩვენი პროექტით არის შეთავზებული და მგონია, რომ სახელმწიფოებრივად სწორია.
პრეზიდენტი და დეპუტატთა ნაწილი განსხვავებულად ფიქრობს. ეს მათი პერონალური პოზიციაა და ძალიან დიდი იმედი მაქვს, რომ ეს პოზიცია პოლიტიკური კონიუნქტურით არ არის განპირომებული", - განაცხადა "ჯი-ეიჩ-ენთან" საუბარში ფოფხაძემ.
უმრავლესობის წევრი მიიჩნევს, რომ დაძლევს თუ არა პრეზიდენტის ვეტოს პარლამენტი, ამას კენჭისყრა აჩვენებს.
"ყველა ადამიანი გადაწყვეტილებას იღებს საკუთარი შეხედულებიდან და მსოფლმხედველობიდან გამომდინარე. რამდენად იქნება დეპუტატების სიმრავლე, რომლებიც უზრუნველყოფენ, რომ ვეტო იყოს დაძლეული ამას კენჭისყრა გამოავლენს", - განმარტავს გედევან ფოფხაძე.