გაუგებარია რა მოდელს გვთავაზობს პრეზიდენტი, - განაცხადა სააგენტო "ჯი-ეიჩ-ენთან" საუბარში მოსმენების შესახებ კანონპროექტის ერთ-ერთმა ავტორმა ეკა ბესელიამ პრეზიდენტის მიერ კანონზე დადებული ვეტოს საკითხზე კომენტირებისას.
მისი თქმით, ამ დრომდე პარტლამენტში არ არის მისული პრეზიდენტის მიერ გაგზავნილი დოკუმენტი.
"ძალიან უხერხულია რომ როდესაც პირდაპირ ეთერში ვისმენთ პრეზიდენტის გადაწყვეტილებას რომ მან ვეტო დაადო პარლამენტის მიერ მიღებულ კანონს. მე ვფქრობ რომ ჯერ უნდა დაწერილიყო ტექსტი და ამის მერე გაკეთებულიყო განცხადება. ეს პარლამენტს აყენებს საკმაოდ რთულ სიტუაციაში. მთლად ნათლად არ იყო პრეზიდენტის გამოსვლაში ჩამოყალიბებული რა მოდელს გვთავაზობს. ამიტომ მე ვერ ვიმსჯელებ. არა თუ გადმოგზავნილი არ არის, არამედ დაწერილიც არ არის", - აცხადებს "ჯი-ეიჩ-ენთან" საუბარში ბესელია.
პრეზიდენტმა ფარულ მოსმენებთან დაკავშირებით კანონს ვეტო დაადო. პრეზიდენტი კანონპროექტს მოტივირებულ შენიშვნებთან ერთან უკან გადაუგავნის.
"ჩვენ ვერ მივიღეთ სწორი ბალანსი დაცულობასა და ადამიანის უფლებებს შორის. ამიტომ კანონს ვადებ ვეტოს და პარლამენტს ვთავაზობთ საკუთარ ვარიანტს, რომელშიც ფუნქციური გადანაწილენა იქნება დაცული, ეს ნიშნავს რომ მიყურადებას განახორციელებენ უფლებამოსილი ორგანოები და ნებართვას, რომ კონკრეტული მიყურადება განხორციელდეს, გასცემს სასამართლო, ხოლო ზედამხედველობას განახორციელებს პერსონალურ მონაცემთა დაცვის ინსპექტორი. ეს არის მოდელი , რომელიშიც ფუნქციები სწორად არის გადანაწილებული და რომელიც, უზრუნველყობს, რომ ბალანსი სახელმწიფო ინტერესებსა და ადამიანიებებს შორის იყოს დაცული. იმედი მაქვს, რომ პარლამენტი გაიზიარებს ჩემს პოზიციას",- განაცხადა პრეზიდენტმა.
პარლამენტს პრეზიდენტის ვეტოს დასაძლევად 76 ხმა სასჭირდება. პარლამენტმა გუშინდენ პლენარულ სხდომაზე ბესელია-ფოფხაძე-სესიაშვილის კანონპროექტი 73 ხმით მიიღო. წინააღმდეგ კი ხმა 30 -მა დეპუტატმა მისცა. კანონპროექტის მესამე მოსმენით განხილვაში მონაწილეობა არ მიიღეს ფრაქცია "თავისუფალმა დემოკრატებმა" და "რესპუბლიკელებმა" თინათინ ხიდაშლმა. მათ პლენარული სხდომა, კანონპროექტის მეორე მოსმენით გახილვისას, პროტესტის ნიშნად დატოვეს.
