იუსტიციის სამინისტროს პოლონეთის დელეგაცია ესტუმრა. პოლონეთის კონტროლის პალატის პრეზიდენტი საქართველოს იუსტიციის მინისტრმა მიიღო. თეა წულუკიანი ქშიშტოფ კვიატკოვსკის საქართველოში მართლმსაჯულებისა და სახელმწიფო სერვისების სფეროში განხორციელებულ რეფორმებზე ესაუბრა.
საქართველოს იუსტიციის მინისტრთან შეხვედრის სურვილი პოლონეთის კონტროლის პალატის თავმჯდომარემ გამოთქვა. რამდენიმე წლის წინ ქშიშტოფ კვიატკოვსკის პოლონეთის იუსტიციის მინისტრის პოსტი ეკავა. მისი იუსტიციის მინისტრობის პერიოდს უკავშირდება პოლონეთში ელექტრონული სასამართლოს და ელექტრონული კადასტრის დაარსება. სწორედ ამიტომ მისთვის საქართველოს იუტიციის მინისტრთან შეხვედრა და ქართული რეფორმების გაცნობა განსაკუთრებით საინტერესო აღმოჩნდა.
პოლონეთის კონტროლის პალატის პრეზიდენტი საქართველოში სახელმწიფო აუდიტის სამსახურის მოწვევით იმყოფება. ვიზიტის მიზანი საქართველოს სახელმწიფო აუდიტის სამსახურის ინსტიტუციური გაძლიერების პროექტის მხარდაჭერაა.
მასალის გამოყენების პირობები
