თუ მეტყვით, რომელ ევროპულ ქვეყანაშია ასეთი შსს-ს მაშინ გავჩერდები, - განაცხადა დავით უსუფაშვილმა ფარული მოსმენების "გასაღების" თემაზე წარდგენილ პროექტებთან დაკავშირებით. მისი თქმით, ამჟამად შსს-ს მხოლოდ უშიშროების სამსახურებთან არის გაიგივებული და პოლიციისა და უშიშროების სამსახურების შერწყმით უპრეცედენტო ძალაუფლების მქონე უწყება შეიქმნა, რომელიც არავითარ კონტროლს არ ექვემდებარება.
პარლამენტის თავმჯდომარემ კოლეგებს გაახსენა შსს-ს როგორად გარდაქმას გეგმავდა "ქართული ოცნება" არჩევნების წინ და როგორია არსებული სისტემა. მისი თქმით, მისი თქმით, საჭიროა სისტემის გარდაქმნა ისე, როგორც ამას საზოგადოებას კოლიცია "ქართული ოცნება" დაპირდა.
"არის არგუმენტები, რომ არსებობს რამდენიმე ქვეყანა, სადაც ე.წ. გასაღები შსს-შია მოთავსებული. ყველას ვთხოვ კარგად ჩახედოს როგორია იმ ქვეყნების შინაგან საქმეთა სამინისტროები და შევადაროთ, რაც ჩვენ გვაქვს დღეს. სამწუხაროდ გვაქვს ის, რაც წინა ხელისუფლებისგან მემკვიდრეობით გვერგო. პოლონეთში შსს არჩევნებს ატარებს, საარჩევნო კომისიების როლს ასრულებს, თვითმმართველობებს განაგებს. იმ სამინისტროში არ არის დაზვერვის და კონტრდაზვერვის უწყებები. ჩვენთან ამჟამად შსს-ს მხოლოდ უშიშროების სამსახურებთან არის გაიგივებული და პოლიციის და უშიშროების სამსახურების შერწყმით უპრეცედენტო ძალაუფლების მქონე უწყება შეიქმნა, რომელიც ფაქტობრივად არავითარ კონტოლს არ ექვემდებარება. ჩვენ საზოგადოებას ვთავაზობდით, რომ აუცილებელია შინაგან საქმეთა სამინისტროს გადარქმა საშინაო საქმეთა სამინისტროდ და სამოქალაქო სამსახურად ჩამოყალიბება, რომელიც მმართველობას განახორციელებს საშინაო პოლიტიკის მნიშვნელოვან სფეროებში; საჭიროა პოლიციის საქმიანობის საზოგადოებრივი მექანიზმებით უზრუნველყოფა. აუცილებელია, შინაგან საქმეთა სამინისტროს სისტემიდან გამოიყოს უშიშროების სამსახურები და შეიქმნას ერთიანი დამოუკიდებლი სახელმწიფო უსაფრთხოების სამსახური ახალი შინაარსით, ფორმით, ოპტიმალური კვალიფიციური თანამშრომლებით; სახელმწიფო უსაფრთხოების სამსახურის უფროსს პარლამენტი უნდა ამტკიცებდეს, სახელწიფოს უმაღლესი პირის წარდგინებით. შსს-ს დებულებით, რომელიც ჩვენი ხელისუფლების მიერ არის მიღებული, შსს არის აღმასრულებელი ხელისუფლების განმახორციელებელი გამსამხედროებული სამართალადამცავი დაწესებულებების სისტემა. თუ მეტყვით, რომელ ევროპულ ქვეყანაშია ასეთი შსს-ს მაშინ გავჩერდები", - განაცხადა დავით უსუფაშვილმა.
