ფინანსთა მინისტრი ნოდარ ხადური მთავრობის წევრების, პრემიებისა და სახელფასო დანამატების შესახებ „ნაციონალური მოძრაობის" მიერ გამოქვეყნებულ მონაცემებს ეხმიანება, რომლის მიხედვით, მას 2014 წლის იანვარ-აგვისტოში 21 680 ლარი აქვს აღებული.
ხადურის განმარტებით, 21 000 ლარის ოდენობის დანამატი და არა ხელფასი, მან 10 თვის განმავლობაში მიიღო.
"წელს, პრემია არ ამიღია არც ერთი თეთრი. საუბარია არის ის დანამატი, რომელიც განასაზღვრულია პრემიერ-მინისტრის ბრძნებით. თქვენ იცით, რომ რაც ჩვენ მოვედით ხელისუფლებაში მინისტრების შრომის ანაზღაურება შემცირა. ჯერ კიდევ ბატონმა ბიძინა ივანიშვილმა შეამცირა მინისტრების შრომის ანაზღაურება, შემდეგ, რაც ბატონი ირაკლი ღარიბაშვილია პრემიერ-მინისტრი, ის კიდევ შემცირდა", - განაცხადა ხადურმა.
2014 წლის იანვარ-აგვისტოში მთავრობის წევრების პრემიერის და სახელფასო დანამატების შესახებ ახალი მონაცემები „ნაციონალური მოძრაობის" წევრმა ირმა ნადირაშვილმა გამოაქვეყნა.
მისი ინფორმაციით, ყველაზე მაღალანაზღაურებადი ჩინოვნიკი საქართველოში თბილისის ვიცე-მერი ალექსანდრე მარგიშვილია. მისი ანაზღაურება ხელფასის გარდა 26,816 ლარს შეადგენს.
მეორე და მესამე ადგილებს კულტურის მინისტრის მოადგილეები იკავებენ. მანანა ბერიკაშვილმა რვა თვის მანძილზე დანამატისა და პრემიის სახით 23,040 ლარი, ხოლო ბადრი ბაგრატიონმა - 22,740 ლარი აიღეს.
მთავრობის წევრებს შორის ასევე იანვარ-აგვისტოს პერიოდში ყველაზე მაღალი სახელფასო დანამტები აიღეს ირაკლი ალასანიამ - 43 982, თეა წულუკიანმა- 34,180, მაია ფანჯიკიძემ - 31 680, ნოდარ ხადურმა - 21 680, ასევე თამარ ბერუჩაშვილმა - 22 700 ლარი.აქედან ნახევარზე მეტი პრემიის და სახელფასო დანამატის სახით.
