საპარლამენტო უმცირესობის წევრი ვიქტორ დოლიძე აშშ-ის მხრიდან გუანტანამოს ციხიდან სამი პატიმრის საქართველოსთვის გადმოცემას ეხმიანება და აცხადებს, ყველა საფრთხე უნდა იყოს აღმოფხვრილი და მაქსიმალურად მინიმიზირებული.
,,გუანტანამოს ციხის პატიმრების საქართველოში ყოფნის მხრივ, ყველა საფრთხე უნდა იყოს აღმოფხვრილი და მაქსიმალურად მინიმიზირებული. თუკი აღნიშნული პატიმრები იმყოფებიან ციხეში, მოთავსებული უნდა იყვნენ სათანადო პირობებში, რათა მათ ციხიდან გასვლა ვერ შეძლონ, ხოლო თუკი არიან გარეთ, საჭიროა მათი მაქსიმალური მონიტორინგი. საქართველო ტერორიზმის წინააღმდეგ შექმნილ საერთაშორისო კოალიციის აქტიური წევრია. ჩვენი ქვეყანა ერთ-ერთი მოწინავეა ISAF-ის ოპერაციის ფარგლებში. გუანტანამოს ბაზის დახურვის თაობაზე მიღებული გადაწყვეტილების შემდეგ ანტიტერორისტულ კოალიციაში მონაწილე ქვეყნებმა პატიმრები გადაინაწილეს, მათ შორის არის სლოვაკეთი, პოლონეთი, აღმოსავლეთ და ცენტრალური ევროპის სხვადასხვა ქვეყნები", _განაცახდა დოლიძემ.
შეერთებულმა შტატებმა გუანტანამოს 5 პატიმარი საქართველოსა და სლოვაკეთში გადმოანაწილა. ამის შესახებ, გაზეთი "მაიამი ჰერალდი" იტყობინება. გავრცელებული ინფორმაციით, საქართველოში სპეციალური რეისით 3 საქართველოში, 2 კი სლოვაკეთში გადმოიყვანეს. ისინი ტუნისისა და იემენის მოქალაქეები არიან.
შეერთებულ შტატებს ტერორიზმში ეჭვმიტანილებნი ჯერ კიდევ 2010 წელს უნდა გაეთავისუფლებინა, თუმცა მათთვის შესაბამისი ქვეყანა ვერ მოინახა. როგორც "მაიამ ჰერალდი" იტყობინება, საქართველომ ადრე უკვე მიიღო გუანტანამოს 3 ყოფილი პატიმარი.