შსს-ს სასაზღვრო პოლიციის თანამშრომლებმა, ჩატარებული ღონისძიების შედეგად, 1976 წელს დაბადებული, საქართველოს მოქალაქე ეთერი ც. სახელმწიფო საზღვრის უკანონოდ გადაკვეთის მცდელობის ბრალდებით დააკავეს.
გამოძიებამ დაადგინა, რომ დაკავებული სასაზღვრო-საკონტროლო გამტარი პუნქტის გვერდის ავლით, თავისი დის - შორენა ც-ს სახელზე გაცემული ყალბი პირადობის მოწმობის გამოყენებით, საქართველოს სახელმწიფო საზღვრის უკანონოდ გადაკვეთას თურქეთის რესპუბლიკის მიმართულებით ცდილობდა.
გამოძიება ყალბი ოფიციალური დოკუმენტების გამოყენებით საქართველოს სახელმწიფო საზღვრის უკანონოდ გადაკვეთის მცდელობის ფაქტზე მიმდინარეობს (საქართველოს სსკ-ის 362-ე მუხლის 1-ლი და 19-344-ე მუხლის 1-ლი ნაწილებით). გამოძიებას სასაზღვრო პოლიციის საგამოძიებო-ოპერატიული მთავარი სამმართველო აწარმოებს
მასალის გამოყენების პირობები
