ფარული მოსმენების შესახებ არასამთავრობო ორაგანიზაციების მიერ მომზადებულ ლანონპროექტს რომლის მიხედვით, ერთი გასაღები სასამართლოს, ხოლო მეორე ელექტრონულ კომპანიებს უნდა გადაეცეთ, უზენაესი სასამართლოს თავმჯდომარე კონსტანტილე კუბლაშვილი ეხმიანება.
მისი თქმით, პროექტის შინაარსს დეტალურად არ იცნობს და უზემნაესი სასამართლო ინიციატივის შესახებ საკუთრ პოზიციას, იუსტიციის უმაღლეს საბჭოსთნ კონსულტაციის შემედგ გამოხატავს.
"ფარულ მოსმენებზე მოსამართლე არის პროცესის მთავარი მონაწილე, რომელიც გასცემს ბრძანებას, რის გარეშეც არ შეიძლება მოსმენა ან თვალყურის დევნება. ჯერჯერობით რთულად მესახება, რომ პროცესის მთავარი მონაწილე, რომელიც ბრძანებას გასცემს, ამ პროცესში შემდგომში იყოს განმახორციელებელი ამ ბრძანებისა სხვასთან ერთად და გააკონტროლოს ეს პროცესი. გაცემული ბრძანების შედეგად მიღებული მტკიცებულებები ისევ უკან უბრუნდება მოსამართლეს და ხელმეორედ უნდა განიხილოს სხდომის წარმართვის დროს. ამას ძალიან დიდი დაფიქრება სჭირდება და არა მხოლოდ მე, არამედ მთელი სასამართლო სისტემა, იუსტიციის უმაღლესი საბჭო ალბათ ვიმსჯელებთ ამაზე და დავაფიქსირებთ პოზიციას", - განაცხადა კუბლაშვილმა.
არასამთავრობო ორგანიზაციები, რომლებიც პროცესში აქტიურად არიან ჩართულიი, ე.წ. "გასაღები"- ს შინაგან საქმეთა სამინისტროს ხელში დარჩენას ეწინააღმდეგებიან. მათი თქმით, ევროპელი ექსპერტების რეკომენდაციაში, სადაც ორგასაღებიანი მექანიზმის ამოქმედებაზე იყო საუბარი,აღნიშნულია, რომ პერსონალურ მონაცემებზე სამართალდამცავ ორგანოებს წვდომა არ უნდა ჰქონდეთ.
მათი შეთავაზება ითვალისწინებს ე.წ. ორგასაღებიანი სისტემის ამოქმედებას, რომლის მიხედვითაც, ერთი გასაღები სასამართლოს, ხოლო მეორე ელექტრონულ კომპანიებს ექნებათ.