თავდაცვის ყოფილი მინისტრის ირაკლი ალასანიას განცხადებით, სამწუხაროდ, ქვეყანაში გრძელდება მავნე ტრადიცია, რომელიც „ნაციონალურმა მოძრაობამ" ჩამოაყალიბა.
,,ძალიან გული მწყდება, რომ გრძელდება მავნე ტრადიცია, რომელიც „ნაციონალურმა მოძრაობამ" ჩამოაყალიბა და ტყუილადაც არ აღვნიშნეთ: როდესაც ჩვენ [თავისუფალ დემოკრატებს] მოგვიწია კოალიციიდან გამოსვლა, ვინ შევიდა „ქართული ოცნების" კოალიციაში? შევიდა „ნაციონალური მოძრაობის" ზოგიერთი ლიდერი და წარმომადგენელი. აქედან გამომდინარე, დავარქვით მას „ნაციონალური ოცნების" უმრავლესობა", _განაცხადა ალასანიამ რადიო ,,თავ ისუფლებისთვის" მიცემულ ინტერვიუში.
მისივე განმართებით, ,,თავისუფალი დემოკრატების" სურვილია საზოგადოებას განსხვავებული ალტერნატივე შესთავაზოს.
,,ჩემი აზრით, ახლა მეტი საშუალება გაჩნდა ჩვენი პარტიისთვის, „თავისუფალი დემოკრატებისათვის", რომ პოზიციონირება გააკეთოს ცენტრში. ჩვენ ვიქნებით აბსოლუტურად განსხვავებული „ქართული ოცნებისგან", ჩვენ არ გვექნება საერთო „ნაციონალურ მოძრაობასთან" და, აქედან გამომდინარე, ჩვენ გვსურს შევთავაზოთ აბსოლუტურად განსხვავებული ალტერნატივა საზოგადოებას, რომელიც ფიქრობს, რომ წარსული, რომელიც იყო „ნაციონალური მოძრაობის" 9 წლის განმავლობაში, მიუღებელია მისთვის და ასევე მიუღებელია ის ფორმა, რა ფორმითაც დღეს, თუნდაც არაფორმალურად, იმართება საქართველოს ხელისუფლება", _აცხადებს ალასანია.