ბათუმის საქალაქო სასამართლოში ადამიანით ვაჭრობისთვის ბრალდებულების, უზბეკეთის რესპუბლიკის ორი მოქალაქის - ო.ბობოევასა და მ.რუსტამოვას საქმის არსებითი განხილვა დასრულდა. მათ ბრალად ედებოდათ უზბეკეთის რესპუბლიკის სამი მოქალაქის მიმართ საქართველოს ტერიტორიაზე ტრეფიკინგის განხორციელება. კერძოდ, ბობოევამ და რუსტამოვამ უზბეკეთის რესპუბლიკიდან მოტყუებით ჩამოიყვანეს სამი უზბეკი ქალბატონი, ჩამოართვეს უზბეკეთის მოქალაქის პასპორტები, შეუზღუდეს თავისუფლად გადაადგილების უფლება და ფიზიკური ანგარიშსწორების მუქარითა და იძულებით, გარკვეული პერიოდი მათ მიმართ ახორციელებდნენ სექსუალურ ექსპლუატაციას.
2014 წლის 19 ნოემბერს ბათუმის საქალაქო სასამართლომ, აჭარის ა/რ პროკურატურის მიერ საქართველოს სისხლის სამართლის კოდექსის 1431 მუხლის კვალიფიკაციით წარდგენილ ბრალდებებში ოდინახონ ბობოევაა და მახსუდა რუსტამოვა სრულად სცნო დამნაშავედ. ოდინახონ ბობოევას დანაშაულის ერთობლიობით საბოლოო სასჯელად 12 წლით თავისუფლების აღკვეთა განუსაზღვრა, ხოლო მახსუდა რუსტამოვას 7 წლით თავისუფლების აღკვეთა შეუფარდა. მახსუდა რუსტამოვა მიმალვაში იმყოფება და მასზე გამოცხადებულია ძებნა.
