მედიაკავშირ „ობიექტივის" დამფუძნებელი, ჟურნალისტი ირმა ინაშვილი კოდორის ხეობაში პრეზიდენტის ყოფილ რწმუნებულ ემზარ კვიციანთან შეხვედრას ითხოვს.
,,რამდენიმე საათის წინ, "რეპორტიორმა" გაავრცელა ინფორმაცია, რომ ბატონი ემზარ კვიციანი ითხოვს ჩემთან შეხვედრას. საჯაროდ მივმართავ სასჯელაღსრულებისა და პრობაციის სამინისტროს ხელმძღვანელობას: მინისტრს ბატონ გიორგი მღებრიშვილს, მინისტრის მოადგილეს ბატონ კახი კახიშვილს, გამოიჩინონ კეთილი ნება და, ემზარ კვიციანის უკანონო განაჩენისადმი საზოგადოების მაღალი ინტერესიდან გამომდინარე, უზრუნველყონ ჩემი შესვლა გლდანის მე-8 დაწესებულებაში", _აცხადებს ინაშვილი.
შეგახსენებთ, რომ კვიციანის ახლობლებმა შიმშილობა დაიწყეს. ისინი ამ ფორმით ზუგდიდის სასამართლოს გადაწყვეტილებას აპროტესტებენ ემზარ კვიციანისთვის 12 წლიანი პატიმრობის შეფარდებასთან დაკავშირებით.კვიციანის ახლობლები პრეზიდენტის ყოფილი რწმუნებულის გათავისუფლებას ითხოვენ.
დაცვის მხარე უახლოეს დღეებში სააპელაციო სასამართლოში ზუგდიდის სასამართლოს დადგენილების გასაჩივრებას გეგმავს. ემზარ კვიციანი დამნაშავედ სცნეს უკანონო გასამხედროებული ჯგუფის შექმნასა და 2006 წელს კოდორის ხეობაში ამბოხის მოწყობაში. მსჯავრდებული ბრალდებებს უარყოფს.
ემზარ კვიციანი 2014 წლის თებერვალში მოსკოვიდან თბილისში დაბრუნებისას დააკავეს.