საპარლამენტო უმცირესობის წევრის გივი თარგამაძის განცხადებით, სახელმწიფო აუდიტის ხელმძღვანელი ლაშა თორდია ყოფილი პრემიერის ბიძინა ივანიშვილის დავალებების პირდაპირი შემსრულებელია.
"ნაციონალური მოძრაობის" წევრი უნდობლობას უცხადებს ნდობის ჯგუფს და ამბობს, რომ მან მუშაობა ზუსტად მას შემდეგ დაიწყო, რაც ალასანიას წინააღმდეგ ახალი კამპანია აგორდა.
„რატომ არ ფუნქციონირებდა აქამდე ნდობის ჯგუფი? რატომ დაიწყო მან ფუნქციონირება მხოლოდ ცნობილი „კაბელების" საქმის შემდეგ? რატომ დაიწყო მან ფუნქციონირება უკუღმა, ასე ვთქვათ და რატომ ვისმენთ ჩვენ დღეს იმ მასალებს იმ დროს, როდსაც ეს მოუნდა პროკურატურას და აუდიტს? ეს არ არის პირველი შემთხვევა, როდესაც ლაშა თორდია ივანიშვილის დაკვეთებს ასრულებს", - განაცხადა თარგამაძემ.
