უფლებადამცველი ნანა კაკაბაძე საპატიმროებში არსებულ ვითარებას ნეგატიურად აფასებს. როგორც ,,ჯი-ეიჩ-ენთან" საუბარში კაკაბაძემ სახალხო დამცველის აპარატის მიერ გავრცელებული განცხადების საპასუხოდ განმარტა, ციხის ადმინისტრაcია თითქმის საერთოდ არ რეაგირებს პატიმრების წამების ფაქტებზე.
,,ციხეებში, სამწუხაროდ, კარგი მდგომარეობა არ არის. კიდევ უფრო სამწუხაროა ის, რომ ციხის ადმინსიტრაცია თითქმის საერთოდ არ რეაგირებს პატიმრების წამების ფაქტებზე. Fფაქტობრივად, ადმინისტრაციის მხრიდან დამოკიდებულება ინფორმაციაზე როცა ეუბნები, ესა თუ ის მსჯავრდებული ნაწამები, ნაცემია არაადეკვატურია", _აცხადებს ,,ჯი-ეიჩ-ენთან" საუბარში კაკაბაძე.
საქართველოს სახალხო დამცველმა სასჯელაღსრულების #8 დაწესებულებაში განთავსებულ პირთა მიმართ განხორციელებული შესაძლო არასათანადო მოპყრობის ფაქტზე გამოძიების წინადადებით მიმართა საქართველოს მთავარ პროკურორს. როგორც სახალხო დამცველის აპარატის კიერ გავრცელებულ განცხადებაშია აღნიშნული 2014 წლის 12 ნოემბერს საქართველოს სახალხო დამცველის რწმუნებულებმა სასჯელაღსრულების დეპარტამენტის N8 დაწესებულებაში მონიტორინგისას გონივრული მიღებისა და განთავსების განყოფილებიდან ყვირილისა და ჩხუბის ხმა მოესმათ. ინციდენტის ადგილზე რწმუნებულებს დახვდნენ ამავე დაწესებულების დირექტორის მოადგილე და ადმინისტრაციის თანამშრომლები. დერეფანში სისხლის ლაქა შეინიშნებოდა. დაწესებულების თანამშრომლები სახალხო დამცველის რწმუნებულთა დანახვამ გააღიზიანა.
საქართველოს სახალხო დამცველის რწმუნებულების კატეგორიული მოთხოვნის შედეგად, დაწესებულების თანამშრომლებმა მათ საშუალება მისცეს ენახათ საშხაპე ოთახში დაკავებული მსჯავრდებული მ.ფ. და ბრალდებული მ.უ.
ორივე დაკავებული სველი ტანსაცმლით იწვნენ იატაკზე. მ.უ.-ს ხელ-ფეხი ერთმანეთზე სპეციალური ჯაჭვით ჰქონდა მიბმული. ორივე პატიმარს გარეგნულად აღენიშნებოდა ძალადობის კვალი, მათ შორის, სახეზე. მ.უ.-ს შუბლის არეში ჰქონდა ნაკვეთი ჭრილობა, საიდანაც მოსდიოდა სისხლი, ასევე, სხვა მრავლობითი დაზიანებები, ხოლო მ.ფ.-ს მარჯვენა თვალში აღენიშნებოდა სისხლჩაქცევა.
საქართველოს სახალხო დამცველი მოითხოვს მსჯავრდებულ მ.ფ.-სა და ბრალდებულ მ.უ.-ს მიმართ განხორციელებულ შესაძლო არასათანადო მოპყრობის ფაქტზე გამოძიება დაუყოვნებლივ დაიწყოს და აწარმოოს საქართველოს მთავარმა პროკურატურამ; დროულად ჩატარდეს სასამართლო-სამედიცინო ექსპერტიზა ბრალდებულების სხეულზე არსებული დაზიანებების ხარისხის, ხასიათის, ხანდაზმულობის, წარმოშობისა და განვითარების მექანიზმის დასადგენად; საგამოძიებო ორგანომ დროულად ამოიღოს მითითებული ფაქტის ამსახველი ვიდეო-ჩანაწერები.
