"ნაციონალური მოძრაობის" წევრი ირმა ნადაირაშვილი ე.წ. გასაღბის საკითხზე უმრავლესობის მიერ მომზადებულ კანონპროექტს აფასებს, რომლის მიხედვით, პირად ინფორმაციაზე წვდომა შინაგან საქმეთა სამინისტროს და პერსონალური მონაცემების დაცვის ინსპეტრორს ექნება.
ნადირაშვილი აღნიშნულ ინიციატივას, შსს-ში მომზადებული პროექტს უწოდებს.
"ეს არის შსს-ში მომზადებული კანონ-პროექტი. მათ ბესელიას სახით იპოვეს ადამიანი, რომელიც ყველაფერზე ხელს მოაწერს. ვფიქრობ, ეს არის ეკა ბესელიას მხრიდან მცდელბა, რომ ირაკლი ღარიბაშვილს ორივე გასაღები ჩაუდოს ჯიბეში. შინაგან საქმეთა სამინისტროზე აღარაფერს ვამბობ, ხოლო პერსონალური მონაცხემების დაცვის ინსპექტორის მოხსნის დისკრეცია, ერთპიროვნულად პრემიერ-მინისტრს აქვს. ამიტომ, გასაგებია თუ რას ემსახურება ეს ინიციატივა", - განაცხადა ნადირაშვილმა.
კანონის პროექტის მიხედვით, რომლის ავტორები ეკა ბესელია, გედევან ფოფხაძე და ირაკლი სესიაშვილი არიან, პერსონალურ ინფორმაციაზე წვდომა პერსონალური მონაცემების დაცვის ინსპექტორს და შსს-ს ექნება, თუმცა მოსმენის ნებართვას ორივე შემთხვევაში სასამართლო გასცემს.
სამუშაო ჯგუფის შეხვედრა 15:00 საათზე გაიმართბა. სხდომაზე კანონმდებლები რამდენიმე პროექტს განიხილავენ, მათ შორისაა უმრავლესობის, არასამთავრობო ორგანიზაციებისა და პარლამენტის იურიდიულ საკითხთა კომიტეტის თავმჯდომარე ვახტანგ ხმალაძის ინიციატივა.