პუტინის ოპონენტები დასავლეთს მოსკოვზე ზეწოლის გაძლიერებისკენ მოუწოდებენ. საგანგებო განცხადებით ბრიტანეთის პარლამენტს „ჰენრი ჯეკსონის საზოგადოების" აქტივისტებმა მიმართეს. მათი ორგანიზებით მოსკოვში პოლიტიკური ფორუმი გაიმართა, სახელწოდებით „რა ელის რუსეთს პუტინის შემდეგ."
ფორუმში მონაწილეობას რუსეთის ყოფილი პრემიერ-მინისტრი მიხაილ კასიანოვი, ოპოზიციის ერთ-ერთი ლიდერი ევგენი ჩარიკოვი, პანკ-გგუფ Pussy Riot-ის წევრი ნადეჟდა ტოლოკონიკოვა და სხვა ცნობილი სახეები იღებდნენ. მათ რუსეთი საქართველოსა და უკრაინის წინააღმდეგ ღია აგრესიაში დაადანაშაულეს და იმედი გამოთქვეს, რომ კრემლის მოქმედებები დაუსჯელი არ დარჩება. მიხაილ კასიანოვმა დასავლეთი ინერტულობაში დაადანაშაულა და ღიად განაცხადა, რომ ევროპას მწვავე რეაგირება ჯერ კიდევ 2008 წლის მოვლენებზე უნდა ჰქონოდა, როდესაც რუსული ჯარები საქართველოს ტერიტორიაზე შემოიჭრნენ.
