თუ ზურაბ ჟვანის სხეულზე სისხლჩაქცევები იყო, ექსპერტიზამ უნდა დაადგინოს, რის გამო იყო ეს - ამის შესახებ ნინო ქადაგიძე- ჟვანიამ საქალაქო სასამართლოში ექსპერტ ლევან ჩაჩუას წინააღმდეგ მიმდინარე საქმეზე დაკითხვისას განაცხადა.
მისი თქმით, საქმეში არსებული არაერთი შეკითხვა დღემდე პასუხგაუცემელია.
"როდესაც ამდენი შეკითხვაა, ექსპერტიზა უნდა ჩატარდეს ზუსტად, რომ პასუხები იყოს გაცემული. თუ სისხლჩაქცევებია, ექსპერტიზამ უნდა დაადგინოს, რის გამო იყო ეს. ამომწურავი პასუხები უნდა გაეცეს და არ იყოს ჩატარებული ისე, რომ მიჩქმალოს არსებული სიტუაცია", - განაცხადა ნინო ჟვანიამ.
ექსპრემიერის გარდაცვალების საქმეზე დღვანდელ პროცესი სასალაქო სასამართლოში ბრალდების მხარის მოწმეთა ჩვენებების გამოკვლევით გაახლდა.
პროკურატურა ლევან ჩაჩუას სამსახურებრივ გულგრილობას ედავება. გამოძიების ინფორმაციით, მან გარდაცვლილი ექსპრემიერის სხეულზე არსებული დაზიანებები სათანადოდ არ ასახა.