ემზარ კვიციანის საქმეზე საპარლამენტო კომისიის შექმნის შესახებ კვიციანის ოჯახის მოთხოვნას, საპარლამენტო უმრავლესობის წევრი გედევან ფოფხაძე პასუხობს.
როგორც ფოფხაძემ დღვანდელ პრესკონფერენციაზე ჟურნალისტებს განუცხადა, ემზარ კვიციანს ნდობას უცხადებს, თუმცა საქმეზე კომისიის შექმნას მართებულად არ მიიჩნევს.
"ჩვენ ამ ვითარებაში ბოლომდე ობიექტურ მსაჯულებად ვერ გამოვდგებით, ერთის მხრივ „ნაციონალური მოძრაობა", თავისი პოლიტიკური მოტივაციით ამ მოვლენებთან მიმართებაში, მეორე მხრივ ჩვენს შორის არის ბევრი ისეთი, რომელსაც შეიძლება ემოციურად იდენტური განწყობა ჰქონდეს, რაც მას მაშინ ჰქონდა. „ნაცმოძრაობა" სახელმწიფო ინტერესების წინააღმდეგ მიდიოდა. კვიციანი არ იმსახურებს ასეთ ხანგრძლივ საპატიმრო ვადას. მგონია, რომ ყველაფერი რაც მან გადაიტანა, არეულობის გათვალისწინებით, რაც ქვეყანაში ხდებოდა გასათვალისწინებელია. ამ ვითარებაში გამოსავალი არის, რომ პროკურატურასა და დაცვის მხარეს შორის რეალური მოლაპარაკებები უნდა შედგეს.", - განაცხადა ფოფხაძემ.
