თავდაცვისა და უშიშროების კომიტეტის თავმჯდომარე ირაკლი სესიაშვილმა თავდაცვის ყოფილი მინისტრის ირაკლი ალასანის განცხადებას პასუხობს, რომლითაც ალასანია პროკურატურას ბოლო გაფრთხილებას აძლევს და მოუწოდებს, რომ. კაბელების საქმესთან დაკავშირებული საქმის მასალები დაკავებულთა ადვოკატებს დროულად გადაეცეს.
სესიაშვილის თქმით, გამოძიება არის დამოუკიდებელი და არ მიიჩნევს, რომ პროკურატურამ დაუშვას, ამ ძალიან რეზონანსულ საქმეში რაიმე შეცდომა გაიპაროს.
მივე განმარტებით, ნდობის ჯგუფის ხვალინდელი სხდომის შემდეგ, სხვა საკითხებთან ერთად, აღნიშნულ საქმესთან დაკავშირებით, მეტი ინფორმაცი იქნება ცნობილი.
"ნდობის ჯგუფის ფარგლებში განვიხილავთ საკითხებს, რომლებიც არ უკავშირდება ირაკლი ალასანიას. ეს უკავშირდება ქვეყის ყველა ძალოვან უწყებაში განხორციელებულ საიდუმლო შესყიდვების გაანალიზება-შესწავლას. ვფიქრობ, ყველაზე ნაკლებად, ეს ირაკლი ალასანაის ეხება. ამიტომ, ამ თემის პოლიტიზირებით ვფიქრობ, იგი გარკვეულწილად პარლამენტის მიმართ არაეთიკურ დამოკიდებულებას ავლენს, მაშინ როდესაც მას ეს არასდროს სჩვევოდა. პარლამენტთან, ნდობის ჯგუფის საქმიანიობასთან დაკავშირებით ასეთი კრიტიკის უსაფუძვლობაში თავად ძალიან მალე დარწმუნდება", - განაცხადა სესიაშვილმა.
ირაკლი ალასანია პროკურატურას ბოლო გაფრთხილებას აძლევს და აცხადებს, რომ თუ ე.წ. კაბელების საქმესთან დაკავშირებული საქმის მასალები დაკავებულთა ადვოკატებს დროულად არ გადაეცემათ, პროცესში საერთაშორისო საზოგადოებას ჩართავს.
ნდობის ჯგუფის სხდომა ხვალ, 19 ნოემბერს 15:00 საათზე გაიმართება.