უზენაესი სასამართლოს თამჯდომარე კოტე კუბლაშვილი პრეზიდენტის ყოფილი რწმუნებულის ემზრ კვიციანის ოჯახის პრეტენზიებს ეხმიანება და აცხადებს, რომ მათ შეუძლიათ სამართლებრივი დავა სააპელაციო სასამართლოში, გააგრძელონ.
"მათი უფლებაა ჰქონდეთ პრეტენზია. ასევე მათი უფლებაა, რომ თუკი უკმაყოფილოები არიან გააგრძელონ განხილვა სასამართლოში იმ კუთხით, რომ გაასაჩივრონ ეს გადაწყვეტილება სააპელაციო სასამართლოში, შემდეგ თუ ისევ უკამყოფილეობი იქნებიან, გაასაჩივრონ უზენაეს სასამართლოში", - განაცხადა ჟურნალისტებთან კონსტანტინე კუბლაშვილმა.
შეგახსენებთ, რომ კვიციანის ახლობლებმა შიმშილობა დაიწყეს. ისინი ამ ფორმით ზუგდიდის სასამართლოს გადაწყვეტილებას აპროტესტებენ ემზარ კვიციანისთვის 12 წლიანი პატიმრობის შეფარდებასთან დაკავშირებით.
კვიციანის ახლობლები პრეზიდენტის ყოფილი რწმუნებულის გათავისუფლებას ითხოვენ.
დაცვის მხარე უახლოეს დღეებში სააპელაციო სასამართლოში ზუგდიდის სასამართლოს დადგენილების გასაჩივრებას გეგმავს. ემზარ კვიციანი დამნაშავედ სცნეს უკანონო გასამხედროებული ჯგუფის შექმნასა და 2006 წელს კოდორის ხეობაში ამბოხის მოწყობაში. მსჯავრდებული ბრალდებებს უარყოფს.
ემზარ კვიციანი 2014 წლის თებერვალში მოსკოვიდან თბილისში დაბრუნებისას დააკავეს.
