ნორა კვიციანი, თავისი ძმის, კოდორის ხეობაში საქართველოს პრეზიდენტის ყოფილი რწმუნებულს ემზარ კვიციანის საქმეზე კომისიის შექმნასა და საქმის ობიექტურ გამოძიებას ითხოვს. ამის შესახებ, ნორა კვიციანმა "ჯი-ეიჩ-ენ" -ს განუცხადა. იგი ზუგდიდის რაიონული სასამართლოს გადაწყვეტილებას თბილისის პარლამენტთან აპროტესტებს.
"მოვითხოვ სასწრაფოდ შეიქმნას კომისია და სასწრაფოდ შეისწავლოს ეს საქმე.
ქუჩაში დავჯდები მანამ, სანამ არ შეიქმნება კომისია. 35 დეპუტატი ხელს აწერს და ემზარ კვიციანს თავდებში უდგება. რატომ? გამცენ პასუხი, რატომ მისცეს ასეთი განაჩენი?",- აცხადებს ნორა კვიციანი.
მისივე თქმით, გაასაჩივრებს თუ არა განაჩენს დაცვის მხარე, " ეს უკვე ადვოკატის საქმეა".
შეგახსენებთ, ზუგდიდის რაიონულმა სასამართლომ დღეს, კოდორის ხეობაში საქართველოს პრეზიდენტის ყოფილ რწმუნებულს ემზარ კვიციანს 12 წლით თავისუფლების აღკვეთა მიუსაჯა.
