კოდორის ხეობაში პრეზიდენტის ყოფილი რწმუნებულს ემზარ კვიციანს 12 წლით თავისუფლების აღკვეთა მიესაჯა. გადაწყვეტილება ზუგდიდის რაიონულმა სასამართლომ ცოტა ხნის წინ გამოაცხადა.
ადვოკატ რევაზ კახნიაურის თქმით, განაჩენს დაცვის მხარე ქუთაისის სააპელაციო სასამართლოში გაასაჩივრებს.
"სამწუხაროა, სააკაშვილის ხელისუფლებამ შეკერა საქმე, რომელშიც ემზარ კვიციანის ბრალეულობა გამოძიებით არ დასტურდება, ხოლო ღევანდელმა ხელისუფლებამ ის ასე გაიმეტა", - განაცხა პროცესის დასრულების შემდეგ კვიციანის ადვოკატმა რევაზ კახნიაურმა.
ემზარ კვიციანს სამხედრო ამბოხებასა და ტერორისტული აქტების მოწყობაში ედებოდა ბრალი. იგი სამართალდამცველებმა რუსეთიდან დეპორტაციის შემდეგ, საქართველოში დაბრუნებისას, თებერვალში თბილისის საერთაშორისო აეროპორტში დააკავეს.
