ისნის გამგებლის ყოფილი მოადგილე ბესო დონაძე დაკითხვაზე იმყოფება.
დონაძის განმარტებით, სამართალდამცველებს კითხვები, სავარაუდოდ, მის მიერ ოქტომბერში გავრცელებულ ინფორმაციასთან დაკავშირებით აქვთ.
დონაძე დაკითხვაზე გუშინ დაიბარეს.
შეგახსენებთ, რომ დონაძემ ისნის რაიონის გამგებელი და საკრებულოს მაჟორიტარი დეპუტატები თანამდებობის დატოვების მიზნით მასზე ზეწოლაში დაადანაშაულა. აღნიშნული ფაქტების დასადასტურებლად კი მან აუდიო ჩანაწერები გაავრცელა. რომელშიც ისნის რაიონის გამგებელი ვახტანგ ქიზიყურაშვილიც ფიგურირებდა.
