სოფლის მეურნეობის მინისტრი ოთარ დანელია გარცელებულ ინფომაციას, რომ მისი მოადგილე საავადმყოფოში ცემის შედეგად მოხვდა, არ ადასტურებს. მისი ინფორმაციით, დავით გალეგაშვილმა დაზიანებები დაცემის შედეგად მიიღო. ამის შესახებ დანელიამ ჟურნალისტებს რესპუბლიკურ საავადმყოფოში განუცხადა, სადაც მოადგილე მოინახულა.
"ბატონ დავითს აღენიშნება თავზე დაზიანება, რომელიც სავარაუდოდ, დაცემის შედეგად მიიღო. ეს რომ ყოფილიყო ცემის ფაქტი, საქმე იქნებოდა აღძრული, რადგან საქმე არ არის აღძრული, სავარაუდოდ, ცემასთან არ გვაქვს საქმე", - განაცხადა დანელიამ.
დავით გალეგაშვილის ჯანმრთლობის მდგომარეობა არ შეცვლილა. როგორც "ჯი-ეიჩ-ენ"-ს რესპუბლიკური საავადმყოფოს პრესსამსახურში განუცხადეს იგი ქალა-ტვინის დახურული ტრამვით, ისევ რეანიმაციულ განყოფილებაში რჩება.