თბილისის მერობის ყოფილი კანდიდატი, ,,ნაცმოძრაობის" წევრი ნიკა მელია მერიის მაღალჩინოსნების მხრიდან თანამშრომლებზე ზეწოლის ფაქტებზე საუბროს. როგორც მელიამ პარტიის ოფისში გამართულ პრესკონფერენციაზე განაცხადა მერიის თანამშრომლებს აიძულებენ, ნებაყოფლობით დაწერონ განაცხადება სამსახურიდან წასვლის თაობაზე.
,,სამწუხაროდ, გრძელდება მერიის მაღალჩინოსნების მხრიდან მერიის თანამაშრომლებზე ზეწოლა, რომ მათ ნებაყოფლობით დაწერონ განაცხადება და დატოვონ სამსახური. Eეს არის კლასიკური ძალადობა, ძალდატანება და სწორედ ერთ-ერთი ასეთი შემთხვევა კოჯორში იყო, როდესაც მუნიციპალიტეტის უფროს აიძულეს დაეწერა განცხადება და თანამდებობა დაეტოვებინა. Aამას მოჰყვა კოჯრის მოსახლეობის მხრიდან მშვიდობიანი აქციის გამართვა გია მარგიშვილის მხარდასაჭერად რა დროსაც ინციდენტი მოხდა. აქციას როგორც ჩანს, Fფარულად შსს თანამშრომლები იღებდნენ და ავე ,,ქართული ოცნების" აქტივისტები. ვინმე ვაჟა მუმლაძე დაუპირსპირდა აქციის ერთ-ერთ მონაწილეს მას შემდეგ რაც შენიშნეს, რომ აქციას ფარულად იწერდნენ", _განაცხადა მელიამ.
მისივე განმარტებით, ვაჟა მუმლაძე არის შსს ანალიტიკური სამსახურის უფროსის გოჩა რატიანის სიძე და მოსახლეობას ფიზიკური ანგარიშსწორებით დაემუქრა თუ მსგავს აქცია ისევ გამართავდნენ.
მელიამ თბილისის მერს დავით ნარმანიას მოუწოდა დაინტერესდეს აღნიშნული ფაქტით.
