გერმანიაში საქართველოს სრულუფლებიანი ელჩის ლადო ჭანტურიას განცხადებით, საქართველოში გერმანიის კანცლერის ანგელა მერკელის ვიზიტი იგეგმება. ჭანტურიას განცხადებით, მას შემდეგ რაც საქართველოს პრემიერ-მინისტრის ვიზიტი გერმანიაში იყო ძალიან წარმატებული, ახლა უკვე იგეგმება გერმანიის კანცლერის ვიზიტი საქართველოში.
"საქართველოს პრემიერის ძალიან წარმატებული ვიზიტი იყო გერმანიაში. ასევე იგეგმება გერმანიის კანცლერის ვიზიტი საქართველოში. ეს უნდა მომზადდეს და ვფიქრობ, საქართველოს პოლიტიკურ ცხოვრებაში ამას ძალიან დიდი მნიშვნელობა აქვს. ასევე, ჩვენი მთავრობის რამდენიმე წარმომადგენლის, პირველ რიგში, საგარეო საქმეთა მინისტრის ვიზიტი იგეგმება გერმანიაში", - განაცხადა ლადო ჭანტურიამ.
