ივანიშვილის ბატონ-პატრონი პუტინი დგას სამხედრო მარცხის წინაშე, - ამის შესახებ საქართველოს ყოფილმა პრეზიდენტმა მიხეილ სააკაშვილმა გადაცემა "განსხვავებულ აქცენტებში" განაცხადა.
"პუტინს ძალიან მარტივად გამოუვიდა ყირიმი და აფეთქდა. გადაწყვიტა, რომ ასევე ადვილად გამოუვიდოდა სხვა ყველაფერი, დახარბდა და ეგონა, რომ სამხრეთ უკრაინას ანშლუზით აიღებდა და გავიდოდა მოლდოვაში. აღმოჩნდა, რომ სამხრეთ უკრაინაში ივაჟკაცეს და ყოფა უტირეს რუსეთიდან გაგზავნილ ელემენტებს, დღეს პუტინი დგას სამხედრო მარცხის წინაშე. ისაა იზოლირებული, მის წინააღმდეგ ამოქმედდა ისეთი სანქციები, რომელიც დამანგრეველია რუსეთის ეკონომიკისთვის", - განაცხადა სააკაშვილმა და აღნიშნა, რომ ივანიშვილს ახლა უფრო მეტად სჭირდება რუსეთის მიმართ ჟესტების გაკეთება, ვიდრე დასავლეთის, რადგან მიაჩნია, რომ დასავლეთი დასუსტდა.
