პრეზიდენტი გიორგი მარგველაშვილი უშიშროების საბჭოს სხდომის დასრულების შემდეგ სხდომაზე პრემიერ-მინისტრის არ დასწრების ფაქტს გამოეხმაურა და აღნიშნა, რომ გაეხარდებოდა თუ ღარიბაშვილი უშიშროების საბჭოს სხდომაზე იქნებოდა.
,,გამიხარდებოდა, რომ პრემიერ-მინისტრი ირაკლი ღარიბაშვილი უშიშროების საბჭოს სხდომაზე ყოფილიყო", _განაცხადა პრეზიდენტმა.
მისივე განმარტებით, უშიშროების საბჭოს სხდომა, რომელზეც მოახლოებული უელსის სამიტის საკითხები განიხილეს, საქმიანი იყო. როგორც პრეზიდენტმა განმარტა საქართველო უელსის სამიტზე მომზადებული მიდის.
,, საქართველო ძალიან მომზადებული და ამაყად მიდის ნატო-ს უელსის სამიტზე, ჩვენ ველოდებით იმ პროგრესის აღიარებას, რაც საქართველოს აქვს ნატოს-თან ინტეგრაციის პროცესში", - განაცხადა მარგველაშვილმა
შეგახსენებთ, რომ უშიშროების საბჭოს სხდომას პრემიერ-მინისტრი ირაკლი ღარიბაშვილის და შს მინისტრი ალექსანდრე ჭიკაიძე არ დასწრებიან.
