,,ძალიან დიდი იმედი მაქვს, რომ პროკურატურა წარმოადგენს მყარ მტკიცებულებებს, ნებისმიერ წაყენებულ ბრალთან მიმართებაში", _განაცხადა უშიშროების საბჭოს მდივანმა ირინა იმერლიშვილმა ყოფილი მაღალჩინოსნების ბრალის წაყენების საპასუხოდ.
იმერლიშვილმა ასევე იმედი გამოთქვა, რომ სასამართლო მიუკერძოებელ გადაწყვეტილებას მიიღებს.
,,იმედი მაქვს, რომ სასამართლო მიიღებს მიუკერძოებელ გადაწყვეტილებებს იმ ერთობლივ მტკიცებულებებზე დაყრდნობით, რომელიც პროკურატურის მხრიდან იქნება წარმოდგენილი, ჩემთვის, ამის მერე ყველა კითხვის ნიშანი მოიხსნება", _განაცხადა ჟურნალისტებთან იმერლიშვილმა.
შეგახსენებთ, რომ პროკურატურამ მიხეილ სააკაშვილს და რამდენიმე ყოფილ მაღალჩინოსანს ბრალი წარუდგინა.