საგარეო საქმეთა მინისტრის მაია ფანჯიკიძის განცხადებით, პრემიერ-მინისტრის ირაკლი ღარიბაშვილის უშიშროების საბჭოს სხდომაზე არ დასწრება სპეკულაციის საგანი არ უნდა გახდეს.
მისივე განმარტებით, მთავრობამ გასწია ყველანაირი სამუშაო რაც საჭირო იყო უელსის სამიტისთვის, რის გამოც პრემიერი უშიშროების საბჭოს სხდომას აღარ დაესწრება.
,, შეხვედრას პრემიერ-მინისტრი არ დაესწრება, რადგან მთავრობის მხრიდან ყველაფერი გაკეთებულია და ამის თაობაზე მოხსენებებს მთავრობის წევრები გავკეთებთ. ეს არის უფრო საინფორმაციო ხასიათის შეხვედრა. პრემიერსა და პრეზიდენტს შორის ჩვეულებრივი სამუშაო კომუნიკაციაა და ეს არანაირი სპეკულაციის საგანი არ უნდა გახდეს", _განაცხადა ფანჯიკიძემ უშიშროების საბჭოს სხდომის დასწრებამდე.
