ეროვნული უშიშროების საბჭოს სხდომას, როემლიც მთავრობის ადამინისტრაციაში ცოტა ხანში დაიწყება პრემიერ-მინისტრი ირაკლი ღარიბაშვილი აღარ დაესწრება.ამის შესახებ, ჟურნალისტებთან საგარეო საქმეთა მინსიტრმა მაია ფანჯიკიძემ განაცხადა.
უშიშროების საბჭოს სხდომაზე ნატო-ს უელსის სამიტისთვის მზადებასთან დაკავშირებული საკითხები, ასევე ავღენეთში ქარული სამხედრო კონტიგენტის შემცირებას განიხილავენ.
კონსტიტუციის თანახმად, ეროვნული უშიშროების საბჭოს საქართველოს პრეზიდენტი ხელმძღვანელობს, ხოლო მის საქმიანობას წარმართავს საქართველოს პრეზიდენტის თანაშემწე ეროვნული უშიშროების საკითხებში - ეროვნული უშიშროების საბჭოს მდივანი. საბჭოს მუდმივმოქმედი წევრები არიან: საქართველოს პრემიერ-მინისტრი, საქართველოს საგარეო საქმეთა მინისტრი, საქართველოს თავდაცვის მინისტრი, საქართველოს შინაგან საქმეთა მინისტრი, საქართველოს ფინანსთა მინისტრი და საქართველოს პრეზიდენტის თანაშემწე ეროვნული უშიშროების საკითხებში - ეროვნული უშიშროების საბჭოს მდივანი. საბჭოს მუშაობაში საქართველოს პარლამენტის თავმჯდომარე მონაწილეობს.
ეროვნული უშიშროების საბჭო შეიქმნა 1996 წელს და მისი საქმიანობის წესს განსაზღვრავს ორგანული კანონი საქართველოს ეროვნული უშიშროების საბჭოს შესახებ.
