,,ნაცმოძრაობის" წევრის ზურაბ ჭიაბერაშვილის განცხადებით, გაეროს ადამიანის უფლებათა დაცვის კომიტეტის მიერ გამოქვეყნებულ ანგარიში საქართველოს აძლევს შანს აგვისტოს ომის დროს მომხდარი დანაშაულებების შესახებ კიდევ ერთხელ მიიპყროს საერთაშორისიო ყურადღება.
,,გაეროს ადამიანის უფლებათა დაცვის კომიტეტმა, მნიშვნელოვანი დოკუმენტი მიიღო საქართველოს შესახებ, სადაც განვლილი წლების განმავლობაში ადამიანის უფლებების მდგომარეობაზეა საუბარი. Dდოკუმენტი მნიშვნელოვანია იმდენად რამდენადაც ის საქართველოს აძლევს შანს 2008 წლის აგვისტოს ომის დროს მომხდარი დანაშაულებების შესახებ კიდევ ერთხელ მიიპყროს საერთაშორისიო ყურადღება და კიდევ ერთხელ სამართლებრივი დოკუმენტი დაიჭიროს ხელი რათა რუსეთის პასუხი მოსთხოვოს იმ აგრესიისთვის რაც მას 2008 წლის აგვისტოში გააკეთა", _განაცხადა ჭიბარაშვილმა.
მისივე თქმით, ,,ქართული ოცნების" წარმომადგენლების მიერ გაკეთებული განცხადებები, განსაკუთრებით კი პრემიერ-მინისტრის დამახინჯებულად წარმოადგენს გაეროს დოკუმენტის არსს.
,,იმის ნაცვლად, რომ მათ ილაპარაკონ რუსეთზე, იმის ნაცვლად, რომ მათ ეს შანსი კიდევ ერთხელ გამოიყენონ ქვეყნის სასარგებლოდ, ისრები გადააქვთ წინა ხელისუფლებაზე", _განაცხადა ჭიაბერაშვილმა.