თბილისის მერია თბილისის საკრებულოს „ნაციონალური მოძრაობის" დეპუტატგან მოითხოვს, რომ შეწყვიტოს ცრუ ინფორმაციის გავრცელება. „ჯი-ეიჩ-ენი" მერიის პრესსამსახურის მიერ გავრცელებულ განცხადებას გთავაზობთ უცვლელად:
„დღეს თბილისის საკრებულოს წევრმა ირაკლი აბესაძემ გაავრცელა განცხადება, თითქოსდა თბილისის არჩეული მერის, დავით ნარმანიას დავალებით გატყდა გიგი უგულავას ელექტრონული ფოსტა და ხდება პერსონალური ინფორმაციის უკანონო გზით მიღება.
კატეგორიულად მოვითხოვთ ბატონი აბესაძისგან, ნუ ავრცელებს ცრუ ინფორმაციას და ნუ შეყავს საზოგადოება შეცდომაში. დავით ნარმანიას წარმომადგენლები გარდამავალ პერიოდში თბილისის მერიის სხვადასხვა სამსახურებიდან იღებენ მხოლოდ საჯარო ინფორმაციას სამსახურების დებულებების, საშტატო რაოდენობების, სამოქმედო გეგმებისა თუ ბიუჯეტის შესრულების შესახებ.
სამწუხაროა, თუ აბესაძემ არ იცის, რომ თბილისის საჯარო ინფორმაციის მოთხოვნის უფლება არათუ არჩეულ მერს, არამედ საქართველოს ყველა მოქალაქეს აქვს", - აღნიშნულია განცხადებაში.