უბედური შემთხვევის შედეგად, შსს-ს ადმინისტრაციის უფროსი ეკატერინე კერესელიძე დაიღუპა.
„30 ივლისს, მესტიაში, უბედური შემთხვევის შედეგად, დაიღუპა შსს-ს ადმინისტრაციის უფროსი ეკატერინე კერესელიძე. შინაგან საქმეთა სამინისტრო ღრმა მწუხარებას გამოთქვამს მომხდართან დაკავშირებით და თანაუგრძნობს გარდაცვლილის ოჯახს, - ნათქვამია შსს-ს მიერ გავრცელებულ განცხადებაში.
მომხდართან დაკავშირებით გამოძიება 276-ე მუხლით დაიწყო, რაც სატრანსპორტო საშუალების ექსპლუატაციის წესის დარღვევას გულისხმობს.
შეგახსენებთ, რომ ეკატერინე კერესელიძე შსს-ს ადმინისტრაციის ხელმძღვანელის თანამდებობაზე დანიშვნამდე საჯარო რეესტრის სააგენტოს ხელმძღვანელობდა.
