პრემიერ-მინისტრის ირკალი ღარიბაშვილის განცხადებით, ყოფილ პრეზიდენტ მიხეილ სააკაშვილს პასუხს ობიექტური გამოძიება გასცემს. ამის შესახებ, პრემიერმა ვაზიანის პოლიგონზე გამართულ საჩვენებელ წვრთნების შემდეგ განაცხადა.
,,მართლაც საამაყო ადამიანების და ბიჭების გვერდით ვიდექი, ამიტომ არ მინდა ყოფილ პრეზიდენტ სააკაშვილზე გავაკეთო რაიმე კომენტარი, მას პასუხს ობიექტური გამოძიება გასცემს, ჩვენ მაქსიმალურად გამჭვირვალე ვიქნებით, ამასთან დაკავშირებით განაცხადება გუშინ გავაკეთე და არ მსურს დამატებით კომენტარი გავაკეთო", - განაცხადა ღარიბაშვილმა.
შეგახსენებთ, რომ მთავარი პროკურატურის მიერ გამოტანილი იქნა დადგენილება საქართველოს ყოფილი პრეზიდენტის მიხეილ სააკაშვილის ბრალდებულის სახით სისხლის სამართლის პასუხისგებაში მიცემის შესახებ. საქმე ეხება 2007 წლის 07 ნოემბერს, მომიტინგეთა მასობრივად დარბევას, ტელეკომპანია "იმედში" შეჭრას და არკადი პატარკაციშვილის კუთვნილი ქონების დანაშაულებრივად ხელში ჩაგდებას.