პრეზიდენტ გიორგი მარგველაშვილის განცხადებით, მიმდინარე კვირაში დაგეგმილი უშიშროების საბჭოს სხდომა აღარ გაიმართება. როგორც პრეზიდენტმა განაცხადა უშიშროების საბჭო მას შემდეგ შეიკრიბება, რაც მთავრობის ახალი შემადგენლობის ფორმირება დასრულდება.
,,მოგეხსენებათ დაგეგმილი გვქონდა ამ კვირაში უშიშროების საბჭოს სხდომა. უშიშროების საბჭოს მუდმივი საბჭოს მინისტრები ამ შემადგენლობის პროცესში არ იცვლებიან, მაგრამ მიუხედავად ამისა, ვიცი რა რომ იქნება მთელი 20-ვე მინისტრის განხილვა პარლამენტში. ბუნებრივია, სირთულეს არ შევქმნით და დაძაბულობას და უშიშროების საბჭოს სხდომას დავნიშნავთ მაშინვე როგორც კი დამტკიცდება, ან არ დამტკიცდება ახალი მთავრობა. ეს მოხდება ამ ინტენსიური პროცედურების შემდეგ. Bბუნებრივია, ამ კვირაში აღარ ვნიშნავთ უშიშროების საბჭოს სხდომას. Aამ არსებული ვითარებიდან გამომდინარე რომ არ გადაღალოთ ჩვენი პატივცემული მინისტრები, რომლებიც პარლამენტში უნდა წარსდგნენ", _განაცხადა პრეზიდენტმა.
