თბილისის მერობის კანდიდატებს დავით ნარამანიასა და ნიკა მელიას შორის დებატები ოთხ ეტაპად წარიმართა.
კანდიდატებს საარჩევნო პროგრამის წარსადგენად სამ-სამი წუთი მიეცათ, რის შემდეგ ჟურნალისტების კითხვებს უპასუხეს.
მერობის კანდიდატებს ერთმანეთისთვის კითხვის დასმის საშუალებაც ჰქონდათ, ხოლო პასუხის გასაცემად თითო-თითო წუთი.
დავით ნარმანიამ ნიკა მელიას ბუკლეტი გადასცა, რომელშიც ძველი და ახალი ხელისუფლების მიერ გაკეთებული პროგრამების შესახებ იყო საუბარი.
ნიკა მელიამ კი ოპონენტს ის სია მისცა, რომელშიც, მისი თქმით, კოალიციის მიერ შეუსრულებელი დაპირებების ჩამონათვალია.
დებატები ,,შერატონ მეტეხი პალასში" გაიმართა.
შეგახსენებთ, რომ არჩევნების მეორე ტური 12 ივლისს შედგება.
