კოალიცია ,,ქართული ოცნების" თბილისის მერობის კანდიდატი დავით ნარმანია დებატების დროს თბილისი ყოფილი მერის გიგი უგულავას დაკავებას გამოეხმაურა და აღნიშნა, რომ მისი დაკავებით ,,ნაცმოძრაობის" მერობის კანდიდატს ნიკა მელიას პოლიტიკური ველი მოუსუფთავდა.
" ჩემზე და ჩემს წინასაარჩევნო კამპანიაზე გიგი უგულავას დაკავებას არსებითი გავლენა არ მოუხდენია. ეს ნიკა მელიას უფრო აწყობდა, რადგან მას გვერდში ჰყავდა ადამიანი, რომელთან მიმართებაში ბევრი კითხვა დაგროვებული იყო. ის არა ერთ დანაშაულშია მხილებული. აქედან გამომდინარე მას პოლიტიკური ველი და სივრცე მოუსუფთავდა და უამრავი დანაშაულებით დატვირთული ადამიანი გვერდში არ ჰყავს. აქედან გამომდინარე, მელიას უფრო უნდა აწყობდეს ეს", - აღნიშნა ნარმანიამ.
შეგახსენებთ, რომ თბილისი ყოფილ მერს გიგი უგულავას სასამართლომ ორთვიანი წინასწარი პატიმრობა მიუსაჯა. უგლავას შემოსავლების ლეგალიზაციასთან და მარნეულის ეპიზოდთან დაკავშირებით ედება ბრალი.
