პოლონეთის რესპუბლიკის სენატის მარშალი ბოგდან ბორუსევიჩი საქართველოში დაგეგმილ ადგილობრივი თვითმმართველობის არჩევნებს ეხმიანება და აცხადებს, რომ მისი წარმატებით ჩატარება ქვეყნის განვითარებისთვის მნიშვნელოვანია.
,,საქართველოსთვის ადგილობრივი თვითმმართველობის არჩევნების ჩატარება უმნიშვნელოვანესია.Fფინანსურად გამართული და კომპეტენტური თვითმმართველობა ქვეყნის განვითარებაში უდიდეს როლს თამაშობს. დღეს შეხვედრა მექნება პრეზიდენტთან და პრემიერთან. საქართველო ჩვენი უმნიშვნელოვანესი პარტნიორია და, რა თქმა უნდა, მხარს ვუჭერთ მის ტერიტორიულ მთლიანობას", _განაცხადა ბოგდან ბორუსევიჩმა.
შეგახსენებთ, რომ თვითმმართველობის არჩევნების მეორე ტური 12 ივლისს 8 თვითმმართველ ქალაქსა და 13 მუნიციპალიტეტში გაიმართება. ამომრჩეველთა საერთო რაოდენობა 28 საარჩევნო ოლქში სულ 1,715,514-ია.
