რუსმა სამართალდამცავებმა ე.წ. კანონიერი ქურდი ზედმეტსახელად „გიზო" დააკავეს. ინფორმაციას ამის შესახებ რუსეთის შს სამინისტროს პრესსამსახური ავრცელებს.
„დაკავებულია 36 წლის საქართველოს მოქალაქე, ე.წ. კანონიერი ქურდი ზედმეტსახელად „გიზო". მისი დაკავება მოსკოვის ოლქის ერთ ერთ ოდინცოვოს რაიონში მდებარე კერძო კოტეჯებში მოხდა",_ ნათქვამია გავრცელებულ ინფორმაციაში და იქვე აღნიშნულია, რომ „გიზო" უკანონოდ იმყოფებოდა რუსეთის ფედერაციის ტერიტორიაზე.
„2013 წლის ნოემბერში მას მოსკოვის ხამოვნიჩესკოეს რაიონის სასამართლოს მიერ რუსეთის ფედერაციის ტერიტორიაზე 5 წლის განმავლობაში შემოსვლა აეკრძალა",_ წერს რუსული მედია.
ამჟამად დაკავებულის მიმართ საგამოძიებო ღონისძიებები მიმდინარეობს და დგინდება მისი კავშირი რუსეთის ფედერაციის ტერიტორიაზე ჩადენის სხვა და სხვა დანაშაულებთან. ასევე, შს სამინისტროს ინფორმაციით, წყდება საკითხი მისი საქართველოში ექსტრადაციის შესახებ.
