აჭარაში რამდენიმე ათეული წლიანი პაუზის შემდეგ ღვინის ქარხნის მშენებლობა დაიწყო. ქედის მუნიციპალიტეტში ობიექტის საძირკველში დღეს სიმბოლური კაფსულა ერთობლივად ჩააგდეს აჭარის მთავრობის თავმჯდომარემ არჩილ ხაბაძემ და კომპანია „კახური ტრადიციული მეღვინეობის" ხელმძღვანელმა ზურაბ ჩხაიძემ. ქარხანა სრული დატვირთვის შემთხვევაში სეზონზე 1500 ტონამდე ყურძნის გადამუშავებას შეძლებს. საწარმო ორ წელიწადში გაიხსნება.
საძირკველის ჩაყრის შემდეგ 15 მევენახე ფერმერს 300 ძირი ჩხავერის ნერგი საჩუქრად გადსცეს.
ღვინის ქარხანა ხელს შეუწყობს ქედის მუნიციპალიტეტში მეღვინეობის განვითარებას და გაზრდის სოციალურ-ეკონომიურ მდგომარეობას. ქედელ ფერმერებს კი ყურძნის მოსავალს ადგილზე რეალიზების საშუალებას მისცემს. რადგან ქედის მუნიციპალიტეტში მევენახეობა სოფლის მეურნეობის წამყვანი დარგია, საწარმო ფერმერისთვის ახალი ვენახის გაშენების სტიმულიც გახდება.
ღვინის ქარხანა მნიშვნელოვანი ობიექტი იქნება ტურისტული თვალსაზრისითაც.
