უკრაინის პრეზიდენტობის ერთ-ერთი კანდიდატი, პარტია „სვობოდას" ლიდერი ოლეგ ტიაგნიბოკი აცხადებს, რომ უკრაინის მიერ ყირიმის დაბრუნების ორი გზა არსებობს.
„არის ორი ვარიანტი. თუ მოსკოვი პირდაპირ შეიარაღებულ შემოჭრას გადაწყვეტს ყირიმი სამხედრო ოპერაციის გზით იქნება დასაბრუნებელი. წინაღმდეგ შემთხვევაში კი გამოსაყენებელი იქნება დიპლომატიური გზა ყირიმის რუსეთისგან იზოლირების კუთხით",_ აცხადებს ოლეგ ტიაგნიბოკი.
მისივე თქმით, მეორე ვარიანტის შემთხვევაში შესაქმნელი იქნება დასავლეთ და აღმოსავლეთ გერმანიის, სამხრეთ და ჩრდილოეთ კორეის ატმოსფერო ანუ უკრაინაში უნდა შეიქმნას კეთილსაიმედო გარემო ხოლო ყირიმში - არა.
„ეს გრძელი გზაა",_ დასძენს ოლეგ ტიაგნიბოკი.
მისივე თქმით, რუსეთი, ყირიმის ხელში ჩასაგდებად დიდი ხნის განმავლობაში ემზადებოდა.
„ის იქ აგროვებდა ჯარს, ხდებოდა ჩვენი სამხრედროებისა და სპეცსამსახურების თანამშრომელთა გადაბირება. ამავე დროს პარტია „სვობოდა" ყოველთვის მომხრე იყო რუსეთთან სავიზო რეჟიმის შემოღების და საინფორმაციო ოკუპაციის შეჩერების ინიციატივით გამოდიოდა. ჩვენ ვემხრობოდით ხისტ ზომებს სეპარატისტებთან მიმართებით: არავითარ მოლაპარაკებები მათთან, მხოლოდ მათი ლიკვიდაცია. მე ახლაც წინააღმდეგი ვარ სეპარატისტებთან ყოველგვარი მოლაპარაკებებისა",_ აცხადებს ოლეგ ტიაგნიბოკი.