ბელორუსის პრეზიდენტი ალექსანდრე ლუკაშენკო ტელეარხ „დოჟდისათვის" მიცემულ ინტერვიუში საქართველოს ექს-პრეზიდენტზე მიხეილ სააკაშვილზე საუბრობს და აცხადებს, რომ საქართველოში რუსეთის ხელისუფლების შესაძლო რეაქციის გამო არ ჩამოდიოდა.
მისივე თქმით, არავინ ისე არ იბრძოდა დასავლეთში ბელორუსისათვის, როგორც საქართველოს პრეზიდენტი მიხეილ სააკაშვილი.
„არავინ ისე არ იბრძოდა დასავლეთში ბელორუსისათვის, როგორც მიხეილ სააკაშვილი. ის მათ ეუბნებოდა: არავითარი სანქცია არ უნდა იყოს, ლუკაშენკო - ნორმალური პრეზიდენტია",_ განაცხადა ლუკაშენკომ.
მან განაცხადა, რომ ის მეგობრობდა საქართველოს ექს-პრეზიდენტთან მიხეილ სააკაშვილთან და აღნიშნა, რომ მასთან სტუმრად ჩასვლა არ შეეძლო მანამ ვიდრე სააკაშვილს საქართველოს პრეზიდენტის თანამდებობა ეკავა.
„მე მას ვეუბნებოდი, მიშა ვერ ჩამოვალ შენთან საქართველოში, ამას რუსეთის ხელისუფლება არც თუ ისე ნორმალურად აღიქვამს", _ამბობს ლუკაშენო.
შეგახსენებთ, რომ თავდაპირველად სააკაშვილსა და ბელორუსის ხელმძღვანელობას შორის ურთიერთობები არ ეწყობოდა. 2004 დან 2007 წლამდე ორი ქვეყნის პრეზიდენტები თითქმის არ ურთიერთობდდნენ. თუმცა, 2008 წლის რუსეთ-საქართველოს ომის შემდეგ ურთიერთობა მკვეთრად გაუმჯობესდა - ბელორუსმა აფხაზეთისა და სამხრეთ ოსეთის დამოუკიდებლობა არ აღიარა.
სააკაშვილმა შეცვალა თავისი დამოკიდებულება ბელორუსისა და მისი პრეზიდენტის მიმართ და 2010 წლის არჩევნებში ლუკაშენკოს გამაჯვებაც კი მიულოცა, მიუხედავად იმისა, რომ ამ არჩევნების შედეგები საქართველოს არც ერთმა პარტნიორმა არ აღიარა.
თავის მხრივ, ლუკაშენკო პოიზიტიურად მოიხსენიებდა საქართველოს ლიდერს და საქართველოში ხელისუფლების ცვლილების შემდეგ ისიც კი განაცხადა, რომ მზადაა მიხეილ სააკაშვილს პოლიტიკური თავშესაფარი მისცეს.
