პრემიერ-მინისტრის ირაკლი ღარიბაშვილის განცხადებით, ევროკომისიის პრეზიდენტს ბაროზოს მიაწოდა ინფორმაცია, რომ საქართველოს მთავარობა მტკიცედ რჩება ერთგული დემოკრატიის კიდევ უფრო გაძლიერებისა, ადამიანის უფლებებისა და კანონის უზენაესობის, მათ შორის სასამართლო სისტემის დამოუკიდებლობის პრინციპების მიმართ. როგორც რარიბაშვილმა ევროკომისიის პრეზიდენტთან ერთად გამართულ პრესკონფერენციაზე განაცახდა საქართველო აფასებს ევროკავშირის მტკიცე მხარდაჭერას გააძლიეროს და გააღრმავოს ჩვენი თანამშრომლობა ყველა სფეროში.
,დღევანდელი მოლაპარაკებების დროს ჩვენ განვიხილეთ საკითხთა ფართო სპექტრი. მე მოვახსენე პრეზიდენტ ბაროზოს, რომ ჩემი მთავრობა კვლავაც მტკიცედ რჩება ერთგული დემოკრატიის კიდევ უფრო გაძლიერებისა, ადამიანის უფლებებისა და კანონის უზენაესობის, მათ შორის სასამართლო სისტემის დამოუკიდებლობის პრინციპების მიმართ. ჩვენმა გუნდმა გააცნო კომისიას როგორც რეფორმების პროგრამის განხორციელების მიმდინარეობა და ამ პროცესში მიღწეული წინსვლა, ასევე ის პრობლემები, რომელსაც ჩვენ ვაწყდებით. ჩვენ ხაზი გავუსვით დარგობრივი თანამშორმლობის გაზრდის მნიშვნელობას, და ყურადღება გავამახვილეთ ისეთ პრიორიტეტულ სფეროებზე, როგორსაც წარმოადგენს ენერგოუსაფრთხოება, ტრანსპორტი, სოფლის მეურნეობა, განათლება და სამეცნირო კვლევა. ასევე აღვნიშნეთ ენერგეტიკული საკითხების სფეროში მჭიდრო თანამშრომლობის აუცილებლობა, განსაკუთრებით კი სამხრეთის გაზის დერეფნისა და იმ სხვა ენერგორესურსების სატრანზიტო ინფრასტრუქტურების მნიშვნელობა, რომლებიც უშუალოდ აკავშირებენ კასპიის რეგიონს ევროკავშირთან", _განაცახდა ღარიბაშვილმა.
