რუსეთის საგარეო საქმეთა მინისტრის მოადგილე გრიგორი კარასინი ჟენევის საერთაშორისო მოლაპარაკებების თანათავმჯდომარეებს შეხვდა.
ინფორმაციას ამის შესახებ რუსეთის საგარეო საქმეთა სამინისტრო ავრცელებს.
„შეხვედრისას განხილულ იქნა ამიერკავკასიაში არსებული სიტუაცია. საუბარი ასევე შეეხო აფხაზეთთან, სამხრეთ ოსეთთან და საქართველოსთან საზღვრის მიმდებარე ტერიტორიებზე არსებულ მდგომარეობას, რომელიც როგორც მშვიდი და პროგნოზირებადი ხასიათდება",_ ნათქვამია განცხადებაში და იქვე აღნიშნულია, რომ შეხვედრაზე ასევე ისაუბრეს ინციდენტების პრევენციისა და მათზე რეაგირების სამუშაო ჯგუფების შეხვედრებზეც.
განიხილეს ასევე ჟენევის საერთაშორისო მოლაპარაკებათა მორიგი რაუნდის დღის წესრიგიც.
შეგახსენებთ, რომ ჟენევის საერთაშორისო მოლაპარაკებების მორიგი რაუნდი 17-18 მაისს უნდა გაიმართოს.
