პრემიერ-მინისტრის ირაკლი ღარიბაშვილის განცხადებით, საქართველო დგას ეკონომიკური ზრდის ახალი ეპოქის ზღურბლზე. როგორც პრემიერმა ჰარვარდის კლუბში სიტყვით გამოსვლისას განაცხადა ხელისუფლებამ წამოიწყო რეფორმები ადგილობრივი და საერთაშორისო ბიზნესისათვის ეკონომიკური შესაძლებლობების შემდგომი ზრდისთვის.
,,საქართველო დგას ეკონომიკური ზრდის ახალი ეპოქის ზღურბლზე. ჩვენ დიდ პროგრესს მივაღწიეთ თავისუფალი და ღია ეკონომიკური გარემოს შექმნაში და წამოვიწყეთ რეფორმები ადგილობრივი და საერთაშორისო ბიზნესისათვის ეკონომიკური შესაძლებლობების შემდგომი ზრდისათვის. გარდა ამისა, ჩვენ გავუმკლავდით კორუფციას. ბიზნესის წარმოების სიმარტივის რეიტინგებში საქართველო მერვე ადგილზეა მსოფლიოში, ხოლო 2014 წლის პირველი კვარტლის მაჩვენებლით, ჩვენი ეკონომიკის ზრდამ შეადგინა 7.4%. უკვე 2014 წლის მეორე ნახევარში, ჩვენი მოლოდინით, დაიწყება ევროკავშირთან ღრმა და ყოვლისმომცველი თავისუფალი სავაჭრო ზონის ხელშეკრულების ნაწილობრივი განხორციელება, რაც კიდევ უფრო მძლავრ ბიძგს მისცემს ჩვენს ეკონომიკას. ჩვენი მიზანია კერძო სექტორის მდგრადი განვითარების უზრუნველყოფა, რა მიზნითაც ურყევად დავიცავთ საკუთრების უფლებას, გავატარებთ ეფექტურ კანონებს კონკურენციის შესახებ და დავაწესებთ კომერციული დავების განხილვის სისტემას, ასევე უზრუნველვყოფთ გამარტივებულ საგადასახადო სისტემას, და განვავითარებთ კაპტალის ბაზარსა სხვა ფინანსურ მექანიზმებს.
ჩვენი წარმატებები ეკონომიკის სფეროში აღიარებული და მოწონებულია საერთაშორისო საზოგადოების მიერ", _განაცხადა პრემიერმა.
