საქართველოს პრეზიდენტი, გიორგი მარგველაშვილი, მასსა და ირაკლი ღარიბაშვილს შორის არსებულ დაპირისპირებაზე გავრცელებულ ხმებს გადაჭარბებულს უწოდებს. როგორც გიორგი მარგველაშვილმა, თეა სიჭინავას გადაცემაში, "პოლიტიკის დრო", განაცხადა, მისი და პრემიერის გახშირებული შეხვედრები, არსებული ხმების გაფანტვას არ ემსახურება და ეს მხოლოდ მუშა პროცესია.
"ჩვენ ერთმანეთს ოთხი პრეზიდენტის ვიზიტის შემდეგ შევხვდით და ვისაუბრეთ, მეორე შეხვედრა კი იყო ყაზბეგში, სადაც ჩასული ვიყავი იმ ტრაგედიის გამო, რაც იქ მოხდა. შტაბის სხდომა იყო, რომელშიც მონაწილეობა მივიღე, პოზიცია დავაფიქსირე - თუ საჭირო იქნება პრეზიდენტის ჩართვა იმ პროცესებში, რომელსაც ბუნებრივად ხელმძღვანელობს აღმასრულებელი ხელისუფლება. ჩვენ აღმასრულებელ ხელისუფლებასთან გვაქვს მუშა ურთიერთობა და ეს არის ურთიერთობა, რომლის ფარგლებშიც ყველა საქმეს ვაგვარებთ. ამ ურთიერთობის ძირითადი პრინციპი და ამოსავალი ის არის, რომ პრეზიდენტსა და პრემიერ-მინისტრს გააჩნიათ სხვადასხვა უფლება, ახალი კონსტიტუციის პირობებში", - განაცხადა გიორგი მარგველაშვილმა.
მასალის გამოყენების პირობები